Wednesday, December 1, 2021
Home MENYA NIBI Ni ikihe gihe nyacyo cyo kunywa amazi?

Ni ikihe gihe nyacyo cyo kunywa amazi?

Yanditswe na Marie Anne Dushimimana

Kenshi abantu bakunda kunywa amazi ako kanya bamaze kurya cyangwa se bakiri kurya.

Abaganga bavuga ko kunywa amazi uri kurya cyangwa se ako kanya urangije kurya ari umuco mubi ubangamira ubuzima

Nepo Gasagwa utuye Kacyiru muri Kigali avuga ko afata litiro ebyiri z’amazi muri munsi. Litiro imwe ayinywa mu gitondo mbere yo gufata ifunguro, igice cya litiro akagifata nyuma yo kurya saa sita, hanyuma indi litiro akaza kuyinywa mbere y’uko ajya kuryama

Avuga ko ariko rimwe na rimwe ajya afata amafunguro ye agasomeza amazi, gusa ngo bituma ahaga vuba cyane kandi ntashobora kubyirinda

Faustin Machara, impuguke mu mirire muri Rwanda Biomedical Center avuga ko inyigo nyinshi zigaragaza ko kunywa amazi ako kanya mbere cyangwa nyuma yo kurya bibangamira igogora kuko afungura igikoma cyo mu gifu ndetse n’imisemburo bigatuma igogora riba mu buryo butuzuye

Yongeraho umuntu yakagombye kunywa ikirahuri kimwe cyangwa bibiri by’amazi nyuma y’iminota byibura 30 amaze kurya, hanyuma akanywa ayo ashaka yose nyuma y’amasaha abiri

Dr Private Kamanzi impuguke mu mirire muri Amazon Wellness Center Ltd haherereye Kimironko muri Gasabo, ngo iyo umuntu yariye ibiryo bikomeye hanyuma agahita anywa amazi amaze kurya, yivanga n’ibyo amaze kurya  bikagora imisemburo ishizwe igogora

Ati “iyo umuntu ariye ibiryo, hatangira igogora rikorwa mu nzego ebyiri. Hari irikorwa mu buryo bufatika (physical digestion) kuva mu kanwa, hari n’irikorwa mu rwego rw’ubutabire (chemical digestion) naryo ritangirira mu kanwa kugeza mu gifu.”

Kamanzi yongeraho ko acide yo mu gifu ishinzwe igogora mu rwego rw’ubutabire. Ngo iyo rero umuntu afashe amazi ako kanya nyuma yo kurya bituma igogora mu nzego zombi rigorana, kuva mu kanwa kugera mu gifu

Ati “iyo igogora ryavangiwe, habaho ibintu nk’ikirungurira kubera kuvanga ibiryo bikomeye n’ibisukika, yaba umutobe cyangwa amazi. Ikirungurira giterwa no kwiyongera kwa acide yo mu gifu nk’iyitwa hydraulic acid”

Yavuze ko ikirungurira gishobora no kuba ikimenyetso nyuma y’igihe kinini umuntu arwaye igifu, ndetse cyaratangiye kwangirika uko acide yiyongera

Ngo kunywa amazi cyangwa se ikindi kintu gisukika ako kanya nyuma yo kurya bituma ibiryo bitanoga neza, hanyuma uduce tumwe na tumwe tukaguma tutagogowe

Kunywa amazi mu gihe kitari cyo kandi bituma umubiri wibeshya igogorwa ntirikorerwe igihe

Igihe nyacyo cyo kunywa amazi

Kamanzi avuga ko igihe nyacyo cyo kunywa amazi ari mu gitondo umuntu akibyuka

Ati “ni byiza gufata litiro y’amazi ashyushye, kuko nijoro umubiri uba uri kuvugurura utunyangingo, ugogora ibiryo, amaraso atembera, ni na bwo umubiri ukoresha intungamubiri wakuye mu byo umuntu aba yariye.”

Avuga ko umubiri ari nk’uruganda rugerageza gukora ibintu bitandukanye, kandi iyo ruri gukora hari imyanda isigara. Ngo ni ko umubiri ukora nijoro, akaba ari na yo mpamvu uba ukeneye amazi mu gitondo kugira ngo awufashe gusohora iyo myanda

Ngo amazi ya mu gitondo afite akamaro kanini ku mikorere y’ubwonko kuko abugaburira, akabufasha gukora akanabuha imbaraga

Kamanzi ati “ ku bantu bagira isesemi igihe cyose bagerageje kunywa amazi mu gitondo, bashobora kujya kwipimisha kuko hari ubwo byaba biterwa na amibe. Ni itegeko ku bantu bose bufata byibura litiro imwe y’amazi buri munsi.”

Avuga ko amazi agomba gufatwa mu minota 30 mbere yo kurya na nyuma yaho, cyangwa se nyuma y’isaha nyuma yo kurya

Ngo amazi anafasha impyiko gukora neza

Ati “niba utanywa amazi ahagije, ufite ibyago byo kugira ibibazo by’impyiko zidakora neza”

Ngo iyo umuntu atanywa amazi ahagije ashobora kugira ikibazo cya diabetes insipidus, ni ikibazo kirangwa no gushaka kunyara kenshi bidasanzwe n’inyota nyinshi

Usibye ibyo, kubura amazi ahagije mu mubiri bishobora gutera constipation, na yo ishobora gukurura ibindi bibazo nka hemmoroids, ni ukuvuga ibibazo by’imitsi y’imigarura mu kibuno.

Ati “igihe cyose umuntu adafata amazi ahagije, utakaza bimwe mu by’ingenzi bigize utunyangingo tw’umubiri wawe twaba utw’uruhu, utw’imikaya n’utundi

N’ubwo amazi ari meza, kuyanywa akonje bitera ibibazo bimwe na bimwe nk’iby’ubuhumekero n’ibyo mu gifu, bishobora kugira ingaruka ku mikorere y’umubiri.

Amazi akonje kandi atera bronchite n’ibicurane

Emmanuel Nshimiyimana ukora muri farumasi muri Kigali avuga ko umuntu usanzwe uri munsi y’ibiro 75 yakagombye gufata litiro 3 z’amazi ku munsi mu bihe bitandukanye

Nshimiyimana avuga ko iyo umuntu afashe amazi akonje cyane, ngo udukoko two mu bwoko bwa bacteria twinjira byoroshye mu kanwa kuko dukunda cyane ahantu hakonje, rimwe na rimwe bikaba byanatuma umuntu ababara mu muhogo

Yongeraho ko amazi umuntu utanywa amazi ahagije arangwa n’iminwa yumye, kunanirwa vuba, kubura amaraso mu mazo ndetse no kurwara umutwe cyane

Ati “kimwe cya gatatu cy’umubiri w’umuntu kigizwe n’amazi. Niba rero umuntu abaho atanywa amazi bivuze ko hari ikitagenda mu mubiri we”

Uwayezu yongeraho ko kubera ko amazi meza atagira calories, sodium cyangwa ibibyibushya ibyo ari byo byose, ni meza ku muntu urwaye diyabete

Ikindi ni uko atagira caffeine. Ku rundi ruhande, imitobe irimo isukari, sodas ni ibinyobwa biba birimo amazi ariko bidashobora kubarwa mu birahuri 8 by’amazi umuntu aba asabwa

Ibi binyobwa umuntu aba agomba kubyirinda kugira ngo agabanye isukari mu mubiri

LEAVE A REPLY

Please enter your comment!
Please enter your name here

- Advertisment -

AMAKURU AGEZWEHO

Kutagira amakuru ahagije ku ndwara zandurira mu mibonano mpuzabitsina bituma batabisobanurira abana babo

Mutungirehe Samuel Hari ababyeyi batandukanye bavuga ko usibye kumenya ko hari indwara zandurira mu mibonano mpuzabitsinda nta bundi bumenyi...

Abagore baracyahohoterwa bakimwa ijambo ku mutungo

Mutungirehe Samuel Muzigabanga, umubyeyi twahinduriye amazina ye kubera impamvu zo gutangaza ihohoterwa akorerwa n’umugabo we bashakanye, ukomoka mu Murenge...

Bahitamo gukoresha udutambaro mu gihe cy’imihango kuko batabasha kugura cotex

Mutungirehe Samuel Bamwe mu bakobwa n’abagore bavuga ko batabasha kwigondera impapuro z’isuku zikoreshwa mu gihe cy’imihango zizwi nka Cotex...

Bamwe mu bagore birirwa mu rugo bahomba amakuru kubera kutagira smart phone

Mutungirehe Samuel                               Bamwe mu bagore bo mu Mujyi wa Kigali no hirya no hino mu Turere bavuga ko batabasha...

INKURU ZIKUNZWE

Street mothers: Coping with motherhood amid COVID-19 pandemic

Marie Anne Dushimimana Street mothers do not have a roof over their heads and hardly can they cook for...

Uburyo bwiza bwo kugabanya umubyibuho Ukabije

Marie Anne Dushimimana Ihirwe Bertrand ku myaka 8 yari amaze kugira ibiro 40, atabasha kugenda n’amaguru ahantu kure ubwo...

Kicukiro: Ikigo gihugura abagore kirasaba ubufasha bwo guhangana n’ingaruka za covid-19

Marie Anne Dushimimana Claudine Ingabire w’imyaka 22 ukomoka mu Murenge wa Kigarama mu Karere ka Kicukiro yatwaye inda ubwo...

Teenage Pregnancies: Some victims cover perpetrators

Nyiraneza (not her real name), a pregnant teenager from Karongi District, says she had been impregnated by a man, after giving her...

IBITEKEREZO