Sunday, May 29, 2022
Home AMAKURU Urubyiruko rusanga umuco wo guhishira abasambanya...

Urubyiruko rusanga umuco wo guhishira abasambanya abana ari wo utuma bidacika

Bamwe  mu  rubyiruko  bavuga  ko  guhishira  abahohoteye  abana   bakabasambanya  ari  byo   bituma  ridacika.

Uru rubyiruko rwabitangaje ubwo hatangizwaga ubukangurambaga bw’iminsi 16 bwo kuwanya ihohoterw rikorerwa ku gitsina.

 Umwana    wahawe  izina   rya  Nyiraneza w’imyaka 17  utuye  mu  Kagari  ka  Nyarushishi akaba anatwite, avuka  mu  muryango  w’abana  bane  akaba  ari  na we  mfura  yo mu muryango we utifashije.

Nyiraneza  avuga  ko  yasambanyijwe  n’umusore  wamushukishije  amafaranga  ibihumbi  10  amwizeza  ko  niyemera  ko  baryamana  nta  kibazo  na  kimwe  azigera  ahura   na  cyo.

Kuri  ubu  ababyeyi  bamubyaye  yabahishe  uwayimuteye  icyakora  nyuma  yo  kwizezwa  ko  azafashwa  kubona  ubwisungane  mu  kwivuza  n’umwe   mu  bashizwe   inama  y’igihugu y’Abagore mu kagari  kabo  ni we  wenyine  yatinyutse  kubwira.

Agira  ati  ‘’Abamumbajije  bose   nanze  kumubabwira  namuvuze  ejo  kubera  ko  bari  bambwiye  ko  Action  Aid  izantangira  mituweli  kuko  iwacu  turi  abakene  cyane  ntayo  batanze, impamvu  namuhishaga  numvaga  ntashaka  ko  abantu  bamumenya  kubera  ko  yanyizezaga  ko  nta kintu  na  kimwe  nzamuburana, ubwo  wenda  kuko namubwiye  umuntu  ushinzwe  abagore  azamutanga  bamukurikirana  ariko ni  we  wenyine   namubwiye’’.

 Urubyiruko   rusanga  abahohotwerwa  nabo  ubwabo   batuma  ridacika

Niyonkuru  Clementine   utuye  mu  Kagari  ka  Nyarushishi  mu  Murenge  wa  Murundi  mu  Karere  ka  Karongi   avuga  ko   urubyiruko rwabishatse  rwaca  burundu  ihohoterwa  rikorerwa  abana  cyane  gusambanya  abangavu   ariko  uruhare  runini  ngo  rushingiye  ku  bana  b’abakobwa  bahohotewe  ndetse  n’ababyeyi  bafite  abana  bahohotewe.

Agira  ati ‘’Iyo  umuntu  ahohoteye  abana  akabona  ntibamureze  ngo  abihanirwe  arashyekerwa  agakomeza  agasambanya  n’abandi, na  wa  mwana wahohotewe  akabiceceka  ntatange  amakuru  bamufata  nk’injiji, twebwe  urubyiruko  dukwiye  kumva   ko dukwiye  guhangana  n’abantu  babikoze  tukabavuga  twabishatse  nk’urubyiruko  iryo  ihohoterwa  ryacika  ariko  ikibazo  ntacyo  bitubwiye’’.

Nshimiyimana  Emmanuel  utuye  mu Kagari  ka  Kareba  mu ri  uyu  murenge  na we  asanga  urubyiruko  rukwiye  kumva  ko  uruhare  runini  rwo  kurwanya  no  gukumira  ihohoterwa  rikorerwa  abana  b’abangavu. Agira  ati  ‘’Niduceceka  ntabwo  bizacika  ariko   dufatanije  n’ubuyobozi   amakuru  agatangwa  kandi  agatangirwa  ku  gihe  byacika  kuko  iyo  yagaragajwe  agafatwa  ashyikirizwa  ubutabera uwo  muntu  arahanwa  ,ariko  iyo  umwana  yahohotewe  agaceceka  n’ababimenye  nabo  bagaceceka  umwana  aragenda  agahera  iyo  uwamuhohoteye  yidegembya’’.

Ku  ruhande  rw’Umuryango  uharanira  uburenganzira  bw’umugore  n’umukobwa   Annet  Karubibi   uhagarariye  umuryango Action  Aid  Rwanda  mu  Karere  ka  Karongi, avuga    ko  muri aka Karere  bahafite  amatsinda y’abana  b’abakobwa  aho  basobanurirwa  uko  bakwiye  guharanira  uburenganzira  bwabo   ndetse  bakanabigisha  uko  bakwiye  kugaragaza   ihohoterwa  igihe  bahuye  naryo.

Karubibi  avuga  ko  Urubyiruko rukwiye  kurwanirana ishyaka  bakanarindana  ihohoterwa yabo  ndetse  n’aho  rigaragaye  bakarivuga  bizatuma  Igihugu  kigira  urubyiruko  rufite  icyerekezo  kuko  ari  bo  mbaraga  z’Igihugu . Agira  ati  ‘’Abakobwa  bakwiye  kumva  ko  ubuzima  bwabo  babufite  mu  biganza  byabo  kandi  ko ntawe  ukwiye kubukoresha  uko  yishakiye  ,abana  b’abahungu  nabo  bakwiriye  kumva  ko  abakobwa  ari  bashiki  babo  ntibumve  ko  bagomba  kubahohotera  ngo  bo  bazamuke  batere  imbere  abandi basigare inyuma  ‘’.

Mukase  valentine  Umuyobozi   wungirije  ushinzwe  imibereho  myiza  y’abaturage  mu Karere  ka  Karongi,  avuga  ko   kugeza  ubu  bagihura  n’imbogamizi  zo  gukurikirana  abasambanyije  abana  kuko  abana  ubwabo  banga  kubagaragariza  inego  z’ubuyobozi  abandi  ababyeyi  bakabicyemura  mu  bwumvikane  hagati  yabo. Icyakora  uyu  muyobozi  avuga  ko  kuri  ubu  ubukangurambaga  bukomeje  bwo  kubwira abana  n’ababyeyi  ko  icyi ari  icyaha  gihanwa  n’amategeko.

Kugeza  ubu  mu Karere  ka  Karongi  abana  343  ari bo  batewe  inda bamenyekanye  hakurikije  ababyariye  kwa  muganga, abamaze  kubihanirwa  ni  35  ibirego  byabo  byashyikirijwe  ubutabera  muri  bo  26  ni bo  bamaze  guhabwa  ibihano.

LEAVE A REPLY

Please enter your comment!
Please enter your name here

- Advertisment -

AMAKURU AGEZWEHO

Pictures pinning Bucyibaruta’s role in the Genocide shown in the courtroom

By Jean d'Amour Mbonyinshuti Two witnesses who are sharing testimonies before the Cours d’Assise de Paris where the...

Bucyibaruta trial: Former Kibeho school girl narrates ordeal children went through during the Genocide

By Jean d'Amour Mbonyinshuti A then 14-year-old girl who was a student at the Kibeho based Groupe Scolaire...

Rwanda: Children suffered the most as disasters hit families

Marie Anne Dushimimana Natural disasters include floods and thunderstorms that hit different parts of Rwanda since the beginning of...

Rural women bear the brunt as water, firewood scarcity persists

Marie Anne DUSHIMIMANA Every morning Dorothée Mukarukundo treks two kilometers to fetch water before she goes farming. Whenever she...

INKURU ZIKUNZWE

Street mothers: Coping with motherhood amid COVID-19 pandemic

Marie Anne Dushimimana Street mothers do not have a roof over their heads and hardly can they cook for...

Uburyo bwiza bwo kugabanya umubyibuho Ukabije

Marie Anne Dushimimana Ihirwe Bertrand ku myaka 8 yari amaze kugira ibiro 40, atabasha kugenda n’amaguru ahantu kure ubwo...

Kicukiro: Ikigo gihugura abagore kirasaba ubufasha bwo guhangana n’ingaruka za covid-19

Marie Anne Dushimimana Claudine Ingabire w’imyaka 22 ukomoka mu Murenge wa Kigarama mu Karere ka Kicukiro yatwaye inda ubwo...

Teenage Pregnancies: Some victims cover perpetrators

Nyiraneza (not her real name), a pregnant teenager from Karongi District, says she had been impregnated by a man, after giving her...

IBITEKEREZO