Sunday, May 29, 2022
Home Uncategorized COVID-19: Yacumbikishaga abana mu gihe cya Guma Mu rugo kuko uburaya butari...

COVID-19: Yacumbikishaga abana mu gihe cya Guma Mu rugo kuko uburaya butari bukimwinjiriza

Marie Anne Dushimimana

Nadine Musabyimana umubyeyi w’abana babiri ukora umwuga w’Uburaya mu Kagari ka Gatenga mu Murenge wa Gatenga mu Karere ka Kicukiro yatekereje kuva mu buraya mu gihe cya Guma mu rugo ubwo yacumbikishaga abana ngo babone icyo kurya.

Musabyimana akora uburaya kuva mu mwaka wa 2009, akaba afite abana babiri b’abakobwa, umwe w’imyaka icyenda undi w’imyaka itandatu.

Musabyimana ukomoka mu Karere ka Huye, ngo yaje I Kigali aje gukora akazi ko mu rugo nyamara nyuma y’igihe yaje guhura n’umugabo amutera inda arangije aramwihakanwa.

Musabyimana ngo ntiyari gusubira iwabo i Huye kuko nubundi ahava yari ahunze ibibazo, maze atangira ubuzima bwo mu muhanda kuva ubwo.

uyu mubyeyi w’abana babiri ubu, atunzwe n’uburaya. abayeho mu buzima bubi, mu nzu nto cyane yishyura amafaranga ibihumbi 10 hano mu mujyi wa Kigali.

Ni inzu y’icyumba yagabanyijemo kabiri akoresheje igitamaro, akayibanamo n’abana be babiri, ndetse rimwe na rimwe akaba ari ho yakirira abakiliya.

ibintu byaje kuba bibi mu gihe cya Guma mu Rugo ubwo yajyaga abura n’ibyo gutungisha abana maze akabohereza mu baturanyi ngo babagaburire.

Ati “Nta mukiliya wabonekaga, cyari igihe cya Guma mu Rugo. twarabwirirwaga tukaburara, nabona abana bagiye gupfa nkabohereza mu baturanyi ngo byibura babagaburire.”

cyakora ubu ngo n’ubwo ubuzima butarasubira uko bwari buri, byibura abona abakiliya bakeya bamuba amafaranga amutunga.

Gusa ngo n’ubwo yari asanzwe yifuza kuva mu buraya, Musabyimana yongeye kugira ubushake bwo kubureka mu gihe cya Guma mu rugo akaba yakwiga umwuga muzima cyangwa agashaka ikindi akora.

ati “Hari n’igihe badukubita cyangwa se bakatwambura. ikindi abana banjye bari gukura, sinifuza kuba nabangiriza ni uko ari amaburakindi.”

Musabyimana asaba Leta n’abandi bagira neza kumufasha we na bagenzi be bakabona icyo gukora bakava mu buraya.

Ati “Nk’ubu mbonye igishoro nk’icy’ibihumbi 100 najya kurangura imboga nanjye ngacuruza nk’abandi. cyangwa se nkiga imyuga, nkaba nakwiga gusuka, gusudira n’ikindi cyose cyashoboka, ariko aka kazi kabi nkakareka.”

Agira inama abandi bakobwa baza muri Kigali kuba maso bakirinda ikintu cyose cyabagusha mu buzima nk’ubwe.

Marie Anne Dushimimana.

LEAVE A REPLY

Please enter your comment!
Please enter your name here

- Advertisment -

AMAKURU AGEZWEHO

Pictures pinning Bucyibaruta’s role in the Genocide shown in the courtroom

By Jean d'Amour Mbonyinshuti Two witnesses who are sharing testimonies before the Cours d’Assise de Paris where the...

Bucyibaruta trial: Former Kibeho school girl narrates ordeal children went through during the Genocide

By Jean d'Amour Mbonyinshuti A then 14-year-old girl who was a student at the Kibeho based Groupe Scolaire...

Rwanda: Children suffered the most as disasters hit families

Marie Anne Dushimimana Natural disasters include floods and thunderstorms that hit different parts of Rwanda since the beginning of...

Rural women bear the brunt as water, firewood scarcity persists

Marie Anne DUSHIMIMANA Every morning Dorothée Mukarukundo treks two kilometers to fetch water before she goes farming. Whenever she...

INKURU ZIKUNZWE

Street mothers: Coping with motherhood amid COVID-19 pandemic

Marie Anne Dushimimana Street mothers do not have a roof over their heads and hardly can they cook for...

Uburyo bwiza bwo kugabanya umubyibuho Ukabije

Marie Anne Dushimimana Ihirwe Bertrand ku myaka 8 yari amaze kugira ibiro 40, atabasha kugenda n’amaguru ahantu kure ubwo...

Kicukiro: Ikigo gihugura abagore kirasaba ubufasha bwo guhangana n’ingaruka za covid-19

Marie Anne Dushimimana Claudine Ingabire w’imyaka 22 ukomoka mu Murenge wa Kigarama mu Karere ka Kicukiro yatwaye inda ubwo...

Teenage Pregnancies: Some victims cover perpetrators

Nyiraneza (not her real name), a pregnant teenager from Karongi District, says she had been impregnated by a man, after giving her...

IBITEKEREZO