Wednesday, December 1, 2021
Home Uncategorized COVID-19: Ihagarikwa ry’umugoroba w’ababyeyi n’inteko z’abaturage byongereye amakimbirane mu ngo

COVID-19: Ihagarikwa ry’umugoroba w’ababyeyi n’inteko z’abaturage byongereye amakimbirane mu ngo

Bamwe mu baturage bo mu ntara y’Amajyepfo Abaturage barataka izamuka ry’amakimbirane yo mu ngo nyuma y’uko umugoroba w’ababyeyi n’inteko z’abaturage zari zisanzwe zicocerwamo ibi bibazo zihagarariye kubera icyorezo cya COVID-19.

Nyuma y’uko icyorezo cy COVID-19 gitereye mu mpera z’umwaka wa 2019 ndetse kikagera mu Rwanda mu kwezi kwa kabiri 2020, hafashwe ingamba zitandukanye zijyanye no kukirinda harimo no guhagarika amakoraniro yose, arimo umugoroba w’ababyeyi n’inteko z’abaturage.

Mu karere ka Nyanza ni hamwe  mu hagaragaye icyuho  cy’ izi nzego  zafashaga  abaturage  kwikemurira  ibibazo.

Mukayisenga Marita utuye mu Karere ka Nyanza Umurenge wa Busasamana  avuga ko inama z’abaturage zabagiriraga umumaro kuko babashaga kwikemurira ibibazo byabo mu mahoro, kandi bakanagirana inama mu midugudu.

 Ubu abahohotewe ngo ntibakibona ababafasha kuko hari n’abatinya kugera mu nzego z’ubuyobozi bagahitamo kwicecekera.

Ati’’ umugabo yahohoteraga umugore twese mu mudugudu tukamuhana, tukamunengera mu ruhame haba mu nteko z’abaturage ndetse no mu nama z’umudugudu ariko ubu kubera iki cyorezo twaranyazwe ntawe ukigira ikibazo ngo abone aho akijyana, kuko mu mudugudu twabaga turi abaturanyi tukabikemura mu mahoro’’.

Ntawigenera Narcisse impuguke mu birebana n’ubuzima bwo mu mutwe n’imitekerereze ya muntu (psychologue) avuga ko inteko z’abaturage zari zarabaye imbuga abantu bagaragarizamo ibibazo byabo , bakagaragaza amarangamutima yabo n’ibyo batekereza, ufite agahinda kakamuvamo kuko yabonye aho akavugira.

Uku kutabona aho babigaragariza muri iyi minsi zitagiterana ngo hari ingaruka nyinshi  ku bafite ibibazo ariko n’umuryango muri rusange, mu gihe icyorezo cyaba gitinze kurangira ngo ingaruka zaba nyinshi kurushaho.

Ati ‘’kuba  izi mbuga zitagikora nta n’icyazisimbuye, byatumye abazisanzuriragamo bagaragaza ibibazo byabo ndetse n’amarangamutima n’abazifashirizwagamo kubona ikerekezo baha ibibazo byabyo barabuze uko babigira’’.

Ntawigenera akomeza agira ati ‘’kuri bamwe  ziriya mbuga zari zarabaye imbuga zo gucubya uburakari, agahinda no gukemura ibibazo by’amakimbirane. Kuba zidakora bishobora gutuma amakimbirane afata indi ntera bikazagira ingaruka mbi  ‘’.

Umuyobozi w’Akarere ka Nyanza Ntazinda  Erasme  aganira  n’itangazamakuru  yagaragaje  ko  kuva iki cyorezo  cyagera  mu Rwanda  ibibazo  by’akarengane n’amakimbirane yo mu ngo byiyongereye anashimanira ko  basanze inteko z’abaturage zarabafashaga  gucyemura  ibi bibazo, kuko ubu batakibimenya ahubwo babimenya byageze mu rwego  rw’ubugenzacyaha RIB.

Ati’’mu isesengura tumaze iminsi dukora muri iyi minsi ryagaragaje ko kuba inteko z’abaturage zidakorwa byongereye ihoterwa, aho usanga umuntu agenda akihererana undi akamurenganya cyangwa se akamuhohotera bikazamenyekana ari uko agiye kuri RIB”.

Prof Dr Bayisenge  Jeannette Minisitiri  w’Uburinganire n’Iterambere  ry’Umuryango  nawe  yemeza  ko hari icyuho cyagaragaye mu gukemura  ibi bibazo  by’abaturage  ariko ngo icya mbere ni ubuzima.

Ngo icyorezo  cya  covid-19 nikirangira izi nteko zizongera ziterane kuko zirafasha. Ati ’’buriya hari inzego zo hasi  ku mudugudu zadufashaga  gukemura ibibazo, inteko z’abaturage umugoroba w’ababyeyi, amasibo birumvikana kuba abantu barahuraga baturanye  bagahanana bati uriya yarananiranye akisubiraho, ubu bikaba bitagikorwa harimo icyuho kuko zirafasha natwe turabizi’’.

Mu kiganiro n’urwego  rw’Igihugu  rushinzwe itangazamakuru RBA ,Dr  Bayisenge  yagaragaje ko imibare y’abakorerwa ihohoterwa yagiye izamuka  bakurikije  ibirego byakiriwe muri RIB no kuri isange one stop  n’imibare y’abana batewe inda bari mu nsi y’imyaka 18.

Minisitiri Bayisenge ati ‘’iyo ukoze ikigereranyo usanga harabayeho kuzamuka bigeze kuri 19.62% iyo  turebye ku mibare twari dufite muri 20118 turebye imibarey’ibirego byabonetse’’.

Nk’uko bitangazwa  na Migeprof mu mwaka  wa 2018 -2019 hatanzwe ibirego  9063, muri 2019-2020 habonetse ibirego ibihumbi 10842.

Kugeza ubu ibyaha biza ku mwanya wa mbere  ni icyaha cyo gusambanya abana  kuko habonetse ibirego 4054 muri 2019-2020, hagakurikiraho guhohotera uwo mwashakanye habonetse ibirego 2502 , gukubita no gukomeretsa  ni 862, gufata ku ngufu 803, gukoresha nabi umutungo na cyo kiri mu bituma haboneka amakimbirane mu ngo habonetse ibirego 653.

Mu mwaka ushize wa 2019, imiryango 8941 mu Rwanda yemerewe n’inkiko gutandukana nk’uko byatangajwe muri raporo y’Ikigo cy’Igihugu gishinzwe Ibarurishamibare (NISR). Ni imibare yazamutse cyane kuko mu 2018 hari hatanzwe gatanya 1311, ni ukuvuga ko zikubye inshuro hafi zirindwi.

Uwambayinema Marie Jeanne

LEAVE A REPLY

Please enter your comment!
Please enter your name here

- Advertisment -

AMAKURU AGEZWEHO

Kutagira amakuru ahagije ku ndwara zandurira mu mibonano mpuzabitsina bituma batabisobanurira abana babo

Mutungirehe Samuel Hari ababyeyi batandukanye bavuga ko usibye kumenya ko hari indwara zandurira mu mibonano mpuzabitsinda nta bundi bumenyi...

Abagore baracyahohoterwa bakimwa ijambo ku mutungo

Mutungirehe Samuel Muzigabanga, umubyeyi twahinduriye amazina ye kubera impamvu zo gutangaza ihohoterwa akorerwa n’umugabo we bashakanye, ukomoka mu Murenge...

Bahitamo gukoresha udutambaro mu gihe cy’imihango kuko batabasha kugura cotex

Mutungirehe Samuel Bamwe mu bakobwa n’abagore bavuga ko batabasha kwigondera impapuro z’isuku zikoreshwa mu gihe cy’imihango zizwi nka Cotex...

Bamwe mu bagore birirwa mu rugo bahomba amakuru kubera kutagira smart phone

Mutungirehe Samuel                               Bamwe mu bagore bo mu Mujyi wa Kigali no hirya no hino mu Turere bavuga ko batabasha...

INKURU ZIKUNZWE

Street mothers: Coping with motherhood amid COVID-19 pandemic

Marie Anne Dushimimana Street mothers do not have a roof over their heads and hardly can they cook for...

Uburyo bwiza bwo kugabanya umubyibuho Ukabije

Marie Anne Dushimimana Ihirwe Bertrand ku myaka 8 yari amaze kugira ibiro 40, atabasha kugenda n’amaguru ahantu kure ubwo...

Kicukiro: Ikigo gihugura abagore kirasaba ubufasha bwo guhangana n’ingaruka za covid-19

Marie Anne Dushimimana Claudine Ingabire w’imyaka 22 ukomoka mu Murenge wa Kigarama mu Karere ka Kicukiro yatwaye inda ubwo...

Teenage Pregnancies: Some victims cover perpetrators

Nyiraneza (not her real name), a pregnant teenager from Karongi District, says she had been impregnated by a man, after giving her...

IBITEKEREZO