Sunday, May 29, 2022
Home Uncategorized Ababana batarasezeranye na bo bafite uburenganzira ku mutungo

Ababana batarasezeranye na bo bafite uburenganzira ku mutungo

Uyu wari kuba ari umwaka wa munani Mukamusoni amaze ashatse umugabo wamwirukanye umwaka ushize, hamwe n’abana be babiri babyaranye.

Ku myaka 18 gusa ni bwo Germaine Mukamusoni yavuye iwabo mu Karere ka Ngororero ajya gushaka akazi ko mu rugo mu Mujyi wa Muhanga aho yaje guhurira na Bosco Sebukino, maze babana badasezeranye imbere y’amategeko.

Mukamusoni yahise atangira gucuruza imbuto umugabo we atwara abagenzi kuri moto mu rwego rwo kugira uruhare mu mibereho myiza y’urugo no kubika amafaranga azabafasha kwiteza imbere.

Ati “Twakodeshaga akazu gato kajyanye n’ibyo tubasha kwinjiza, ariko nyuma twaje kubaka iyacu.”

Nyuma yo kuzuza inzu y’ibyumba bitanu bakagura n’amasambu atatu, ibintu byaje guhinduka hagati y’aba bombi.

Ati “Yatangiye kumfata nabi, bigera n’aho anyirukana nyuma y;uko mbyaye umwana wanjye wa kabiri. Byabaye ngombwa ko njya iwacu kugira ngo ndebe ko yazacururuka ariko biranga.”

Muri icyo gihe ngo ni bwo umugabo we yabinye undi mugore bahita banasezerana mu mategeko, bajya kubana muri ya nzu bafatanyije kubaka.

Ati “Nyuma y’imyaka irindwi, nisanze mu muhanda n’abana banjye babiri. N’imyenda yanjye yanze kuyimpa arayitwika. Ubwo nagezaga ikibazo cyanjye ku nzego z’ibanze, bamutegetse kujya ampa Frw10,000 y’indezo buri kwezi, ariko na byo ntiyigeze abikora.”

Mukamusoni yemeza ko uyu mugabo adahakana ko yagize uruhare mu gushakisha imitungo afite uyu munsi, ariko yanze kumuhaho.

Mukamusoni yasubiye kubana n’ababyeyi be akaba ari kugorwa no kurera abana be wenyine anashakisha uburyo yabona ubutabera agahabwa ku mitungo yashakanye n’uwahoze ari umugabo we.

Icyo amategeko abivugaho

Jean Paul Ibambe, Umunyamategeko akaba n’umukozi wa Legal Aid Forum yabwite Integonews ko mu gihe umugabo wari usanzwe afite umugore babanaga mu buryo butemewe n’amategeko akeneye gushaka undi bagasezerana, bagomba kugabana ibyo bashakanye mu buryo bungana.

Ati “Dufite imanza nyinshi zimeze nka gutya kandi turazitsinda. Yego ntibiba byoroshye nko mu bashakanye byemewe n’amategeko ariko babona ubutabera. Twabashishikariza kujya badusanga tukabafasha kubona abababuranira ku buntu.”

Venuste Kagabo Umunyamategeko ubirambyemo na we avuga ko itandukaniro hagati y’igabana ry’umutungo hagati y’ababana byemewe n’amategeko n’abatarasezeranye ari uko bamwe bagabana hakurikijwe uburyo bwo gucunga umutungo wabo bahisemo basezerana mu gihe abandi bo bagabana ibyo bashakiye hamwe.

Ati “Gusa muri ibyo byose uburenganzira bw’abana buba bugomba kubahirizwa kandi baba bagomba kugumana n’umubyeyi uzabafasha kubaho neza, yaba se cyangwa nyina, biterwa n’uruhande urukiko rwemeje ko rushobora kurera abana neza.”

Ingingo ya 39 y’itegeko n°59/2008 ryo ku wa 10/09/2008ku gukumira no guhana ihohoterwa rishingiye ku gitsina ivuga ku babana batarasezeranye n’uko bagomba kugabana umutungo.

Iri tegeko rivuga ko iyo umuntu wari usanzwe abana n’undi mugore cyangwa umugabo akeneye gushyingirwa byemewe n’amategeko n’undi, azabanza kugabana n’ubwo babanaga umutungo wose bashakanye.

Ubushakashatsi buto bwakozwe mu Karere ka Rulindo na Caritas Rwanda bwagaragaje ko ihohoterwa rikorerwa ku mubiri ari ryo riza imbere n’ijanisha rya 55%, rigakurikirwa n’ihohoterwa rishingiye ku mutungo n’ijanisha rya 36,6% ndetse n’ihohoterwa rikorerwa ku gitsina rifite ijanisha rya 33,3%.

Ubu bushakashatsi bwagaragaje ko abagabo ari bo bakora ihohotera ryane kurusha abagore, kandi abenshi ntibakurikiranwa mu butabera.

LEAVE A REPLY

Please enter your comment!
Please enter your name here

- Advertisment -

AMAKURU AGEZWEHO

Pictures pinning Bucyibaruta’s role in the Genocide shown in the courtroom

By Jean d'Amour Mbonyinshuti Two witnesses who are sharing testimonies before the Cours d’Assise de Paris where the...

Bucyibaruta trial: Former Kibeho school girl narrates ordeal children went through during the Genocide

By Jean d'Amour Mbonyinshuti A then 14-year-old girl who was a student at the Kibeho based Groupe Scolaire...

Rwanda: Children suffered the most as disasters hit families

Marie Anne Dushimimana Natural disasters include floods and thunderstorms that hit different parts of Rwanda since the beginning of...

Rural women bear the brunt as water, firewood scarcity persists

Marie Anne DUSHIMIMANA Every morning Dorothée Mukarukundo treks two kilometers to fetch water before she goes farming. Whenever she...

INKURU ZIKUNZWE

Street mothers: Coping with motherhood amid COVID-19 pandemic

Marie Anne Dushimimana Street mothers do not have a roof over their heads and hardly can they cook for...

Uburyo bwiza bwo kugabanya umubyibuho Ukabije

Marie Anne Dushimimana Ihirwe Bertrand ku myaka 8 yari amaze kugira ibiro 40, atabasha kugenda n’amaguru ahantu kure ubwo...

Kicukiro: Ikigo gihugura abagore kirasaba ubufasha bwo guhangana n’ingaruka za covid-19

Marie Anne Dushimimana Claudine Ingabire w’imyaka 22 ukomoka mu Murenge wa Kigarama mu Karere ka Kicukiro yatwaye inda ubwo...

Teenage Pregnancies: Some victims cover perpetrators

Nyiraneza (not her real name), a pregnant teenager from Karongi District, says she had been impregnated by a man, after giving her...

IBITEKEREZO